صحيفة نبض الشعب الاسبوعيه رئيس التحرير جعفر الخابوري

عارف كاميليا .. البنت الحلوة دي .. اللي فتنت كل اللي شافها. كان فيه مسلسل اسمه الفراشات تحترق عن قصة حياة كاميليا، وتأليف ابو العلا السلاموني عن كتاب فاروق وكاميليا لسمير فراج... حلو.. قول حلو.

انت عارف اختاروا مين تعمل دور كاميليا ... حاجة كدا مش هتيجي في بالك لو وقفت على راسك، اختاروا ايناس مكي ... بتاعت مستر هاج عبد الغفور، ودا لانها كانت مخطوبة لعمرو حجازي المنتج المنفذ للمسلسل.

لكن الخطوبة فشلت، فعمرو سحب الدور منها واداه لمراته جالا فهمي اللي هي بتاعت فيلم جالا جالا.. اللله يرحمها ماتت مؤخرا، وكان المسلسل فيه هشام عبد الحميد ومحمود قايبل وعبد الله محمود وحنان مطاوع،..

وبعد كدا شالوا جالا فهمي بسبب طلاقها من عمرو برضه، وجابوا نيكول سابا، لكن الموضوع متمش برضه.. وحصلت عطلة ويمين وشمال.. فجابوا هيفاء وهبي، لكن الموضوع متمش...

والحقيقة الاختيارات كلها ما شاء الله زي الزفت.. اما صورة رشدي اباظة.. فكاميليا ورشدي كانوا متفقين على الجواز بس هي حست بتعب فقالتله هتعالج برا وارجعلك.. ركبت الطيارة مفيش يا دوب.. الطيارة ولعت ونزلت متفحمة... وهو تعب جدا وبعد سنتين اتجوز صاحبتهم المشتركة الفنانة تحية كاريوكا..

#بهاء_حجازي